بوابه أمل


سعات بشوف فسكتى

يافطه تقول

ده طريق آهات


واسمع بودنى فضحكتى

نبره خلاص

متعرقه بطعم السكات

افرد جناحى عالمدى

وأطيره

يمكن يكون شايف أمل

تصرخ سحابه فالسما

ايه العمل؟؟

واقلها عيطى

يمكن عياطك ده الطريق

يغسل همومى فسكته

يروى الامل فبحر الغريق

ضاقت قوى ..

وعماله تضيق

سمعت يمامه مشرقه نص الكلام

قامت اوام..

مدا الجناح

يمكن ادوق طعم البراح

قالت هناك مستنياك

يافطه أمل

وسط الطريق

متقلشى ضيق وأيه العمل

كمل فسكه بدأتها

لساك تخاف مالمنتهى!!

مرسوم طريقنا فكفنا

مكتوب فرحنا وغمنا

وسط البعاد

ارسم أمل

ارسم فرح

ارسم عناد

حتى الشجر فسكتك

انحت عليه معنى السهر

جمع بواقى جرأتك

متدقشى طعم لغربتك

لملم خطاوى مبعتره

متقلشى ساعتى مأخره

بكره تقوم شمسك

وتفرش سكتك

لكن شروقها فقوتك

وهتنكسر

وهترجع تقوم

دامت لمين غيرك

عشان وياك تدوم

هى كده

ساعه غروب

وساعه شروق

وساعه غيوم

11 Responses
  1. Mona Says:

    ساعات مش بلاقى كلام
    ولا حرف ولا نقطة فى وسط ولا أخر السطر
    لكن فى عز ما أنا مغمضة عينايا بشوف دايما
    شعاع من نور جاى مع شقشقة الفجر
    بقوم أصلى وأقول ماضاقت الا ما فرجت
    وبعد كده حتى وأنا مغمضة عينايا
    بعرف زقزقة العصافير بتغنى وتقول
    سكة الامل موجودة وحتفضل دايما موجودة
    حتى فى وسط الضباب والغيوم
    ولن يحجبها عنى حتى نفسى


  2. ذات يوم عانقت ظلاً اوصلني للهلاك
    لكني ما لبثت ان استجمعت قواي
    وناجيت غيمات امل لتهطل فوق سمائي
    فتغسلني بالبياض
    لأدمن مُسكِّناً يدعى..(بكرا أحلى)

    دوك..محمود اغدق الله عليك طمأنينة
    تهادن روحك الموجعة


  3. هى الدنيا كده متأرجحة ما بين امل ورجاء يأس وابتلاء
    هى كده هنعمل ايه بقى ولازم نعيشها ونأمل فى يوم جديد حامل معه البشر والبشارة بغد افضل
    دمت اخى بخير


  4. ديالا Says:

    هى كده

    ساعه غروب

    وساعه شروق

    وساعه غيوم


    فعلا هيا كده الدنيا

    غروب وشروق وغيوم

    يوم ليك ويوم عليك

    يوم تقرب ليك ويوم تبعد عنك

    يوم تحبك اوي اوي ويوم تكرهك

    فخلينا كده نتعود عليها كده

    نعرف طبعها ونتعود عليه

    من غير مانزعل منها ولا يضايقنا طبعها

    دنيا الامل والحزن

    دنياالعشق والكره
    دنيا المستحيل والمباح

    دنيتنا احنا ولازم نحبها

    عشان تحبنا وعشان نطلع منها ونروح بقي لبيوتنا في الجنه


    بوست هايل يادكتور


  5. 7odaaaaaaa Says:

    منى:الامل اكيد موجود بس سعات بيبعد
    او يمكن سعات احنا اللى بنبعد عنه
    تعرفى ان زقزقه العصافير فعلا كل يوم الصبح وفرحها اللى بشوفه فصوتها العالى ده ي
    مكن عشان بدايه يوم جديد او حتى علشان عارفه ومتاكده ان رزقها فاليوم ده موجود
    وده مثال جميل للامل


  6. 7odaaaaaaa Says:

    ياسمين:
    وكي لا يضيق بنا الحلم ..
    منقول بكرا أحلى
    ومنراقب المطر والضوء
    ومنزرع الحنان
    ولكن عندى باب الامل غفيان
    وبتبقى السما الها مفاتيح

    بس جميل انى اسمع انك فوسط خوفك وترددك وشوقك وحزنك وحنينك
    انك بتقدرى تلاقى المسكن ده


  7. 7odaaaaaaa Says:

    مامه مازن:ايوه فعلا هى الدنيا كده
    بس كان نفسى يبقى ليها
    كتالوج ههههههههههه
    او الواحد يعرف ايه الاوبشنز اللى مسموحله يستخدمها وايه اللى لا
    مش بزمتك كانمت تبقى احلى


  8. 7odaaaaaaa Says:
    أزال المؤلف هذا التعليق.

  9. 7odaaaaaaa Says:

    ديالا: اكيد كلامك صح
    يارب فعلا نستاهل نكون فالجنه
    ونعدى من الدنيا
    على خير


  10. جميييلة بجد يامحمود تسلم ايديك

    هرجعلك تاني اقول رأيي حلو

    اثل مش مركزة دلوقتي :)


  11. 7odaaaaaaa Says:

    ياااااااااااه انتى رجعتى امتى
    حمد الله عالسلامه يا غاده
    اه مش مركزه بقى لسه دوخه ميه البحر موجوده
    ههههههههههههههه


    About Me

    صورتي
    صار لى شى 100 سنه عم الف عناوين مش معروفه لمين ووديلهون اخبار بكره لابد السما لتشتيلى عالباب شمسيات واحباب بياخدونى بشى نهار واللى تزكر كل الناس بالاخر زكرنى

    Followers