كلام عن الحب


"


لماذا يحلو لنا الحديث عن الحب…؟!
الحب هو العاطفة الإنسانية الأكثر سيطرة علينا نغني لها..نكتب عنها..نحلم بها. أنا لا أقصد الحب المطلق..إنما أعنيه.. حب الرجل للأنثى و الأنثى للرجل.. ….لا أعرف حقاً ما أقول..؟! أبحث عن تفسير. هل العلاقة بين الرجل و المرأة هي أسمى علاقة إنسانية في الوجود..؟ البعض يقول .. إنها نداءات الجسد و لا يوجد ما يسمى بالحب..كذلك المثل الإنجليزي sex makes love. رأي لا يمكن إغفاله فربما نحن الشباب نعاني من العوز الجسدي فنجتذب بأجسادنا لا مشاعرنا نحو الجنس الآخر و لكي نبدو أكثر تحضراً نقول أننا نحب..كلمة لطيفة..مقبولة. أذكر مشهداً من فيلم "عدو المرأة " حين قال رشدي أباظة "أن الإنسان اخترع هذا المعنى و ادعى تلك العاطفة ليواري شهواته.." هل معنى هذا الكلام أن بفناء الرغبة داخلنا بمرور السنين و تحولنا إلى عجائز لا نتبادل الحب مع الطرف الآخر..؟ أصوات قوية تقول لا..بل ما يحدث هو العشرة..حسن المعاشرة بمرور السنين و يختصر البعض هذا المعنى في كلمة "التعود"..لذلك لا نندهش من هؤلاء حين يقولون في أوقات "الحب يأتي بعد الزواج..". لكنني رغم قناعتي قديماً بهذه الآراء ثم تحولي إلى رأي آخر يقول عشق الروح هو العشق الحقيقي حتى وصلت إلى رأي حالي و هو أن الروح و الجسد لا ينفصلان كلاهما يحتاج للآخر ليعبر عنه.. لكن السؤال مازال مطروحاً..لماذا نتكلم كثيراً عن الحب و نبحث عنه..؟! هل لأننا لا نتكلم إلا عما نفتقده أو لأن الكلام "مش بفلوس" و طالما ذكرت المال سأذكر رأياً يقول أن الحب هو أرخص عاطفة و متعة..و هذا الرأي يرتكز على الجنس فهو يعتمد على المجهود الشخصي. هل الفراغ هو السبب فنملأه بشيء مثير..فنحن حين نحب نبتسم و عادة أصحاب الفراغ لا يبتسمون و الحب فرصة للإبتسام.. كذلك تدق قلوبنا فيه بعنف و تشعر بكل نبضة فيكون إحساس بالحياة. الحب أيضاً مغامرة الهدف فيها الوصول إلى من تحب..و التشويق عندما تسأل نفسك"هل أنا مقبول من الطرف الآخر؟"..و تترقب و تتابع من بعيد..و الكلمة الأولى التي تسمعها ممن تحب تمنحك السعادة حتى لو كانت مجرد "السلام عليكم" تشعر أنها لك و حدك تقال لك للمرة الأولى في حياتك. البعض أيضاً يستمتع بالحب من طرف واحد..و لهؤلاء شأن خاص. إننا كمجتمع بشري خلقنا الله شعوباً و قبائل .. و قبل ذلك من ذكر و أنثى لنتواصل و نتعارف.. خلق أمنا حواء كي لا يشعر أبونا نبي الله آدم بالوحدة. نحن نبحث عمن يكمل تفاصيل حياتنا و ربما يصنعها معنا من جديد و علينا أن نحبه لكي نصنع شيئاً جميلاً.. إذن عندما نحب..فنحن نضع أقدامنا على أول طريق الحياة..لذلك لا نبخل على تلك العاطفة بالحديث..نغني لها ..و نرقص معها .. و نحلم بها من أجل عواطف أخرى ستولد معها..

هذا الموضوع منقول من مدونه حواديت للكاتب د/ احمد رضا خطاب (انتيمى تيبو)

http://hawadeet.maktoobblog.com/

يمكن لانى بحبه اوى بقت افكارى زى افكاره بالظبط

ارجو من اى حد يقرا الموضوع ده انه يفكر الاول كويس قبل ما يرد ويدينا وجهه نظره فالحب وهو شايفه ازاى

فكر واسال اللى حواليك وخلى اللى حواليك يفكر برده ويديك رايه

الاحساس اللى شاغل معظم وقتنا ده فعلا يستاهل ان احنا نفكر فيه

25 Responses
  1. Mona Says:

    أكيد يستاهل أننا نفكر فيه لانه حتى لو مش موجود فى حياتنا بنلاقى طريقة نخترعه فيها - زى الشعراء والادباء والرسامين والنحاتين مش بالضرورى يكونوا فعلا بيحبوا لكن بيخترعوا الحب لانه أحساس جميل وبيخلى الحياة لها طعم ومعنى والى بيقول أنا عمرى ماحبيت أو مش محتاج الحب فى حياتى يبقى بيضحك على نفسه أولا قبل ما يضحك على الناس - وأنك تكون سبب فى سعادة طرف أخر بالحب والاحاسيس الصادقة شىء لايمكن وصفه والعاطفة الصافية الحلوة ليست بالضرورى أن تكون أنجذاب جسدى والى عنده فراغ عمره مايفكر يحب لان الحب ليس ملاء للفراغ لان الحب ابداع والى عنده فراغ لايمكن أن يكون أنسان مبدع-


  2. Mona Says:

    وعلى فكرة حتى لغاية لما نبقى عجائز الحب غير العشرة لازم يفضل موجود لانه هو الى بيخلى الكام يوم الى فاضلين فى الحياة يعدوا سلسين وحلويين أما العشرة ديه مجرد تعود زيها زى الكرسى الى موجود فى الركن -


  3. ديالا Says:

    حوده

    اولا بتاسف اني مش اول تعليق بس انا ومني واحد مفيش فرق

    ثانيا الواحد لو كان انجذاب جسدي كان اي واحد انجذب لاي بنت جميله وخلاص

    بس هقولك نظريتي ان الواحد لما بيحب بيحب حاجه ابعد من الجسد ربنا بيزرع في قلبه القبول

    يعني ربنا هو الي بيالفه القلوب لو شفت انسان تلاقيك حبيته وتقول انا مش عارف فعلا اتعلقت بيه ليه لان ربنا عايز كده وهو الي بيالف القلوب

    بس الحب الحقيقي هو حب الزوج للزوجه والعكس اما الحب التاني فكله تضييع وقت لا اكثر لان الحب ده حب حلال حب فيه موده ورحمه ورنا راضي عنه

    يعني انا عن نفسي بحب جوزي الي لسه مش اعرفه يعني بحبه اوي وبيوحشني اوي ولما بزعل بشكيله كانه شخص ادامي
    بتصور انه شخص مسافر عني وكل الي يبعدني عنه مجرد ايام او شهور او حتي سنين بس مصيره يجي

    عشان لما يجي يلاقيني محافظه علي نفسي وقلبي له بس

    اي واحد لو جرب الحب ده بجد هيحس بحاجا حلوه اوي ولما تشوف الشخص الي انتي حبيته من غير ماتعرفه هتحس نفسك كانك تعرفه من سنين

    وصدقني مفيش حد فينا يقدر يفسر الحب لان ربنا هو وحده الي يعرف الحب ده ايه وبيجي زاي وايه هيا كمياته بالظبط

    بوست هايل يادكتور وعذرا علي الاطاله


  4. Mona Says:
    أزال المؤلف هذا التعليق.

  5. 7odaaaaaaa Says:

    منى: وجهه نظرك وصلتنى.... الحب ابداع

    عجبتنى اوى الكلمه دى

    كان ليا واحده زميلتى مره قالتلى الحب ده فن

    فن انك تخلى اللى يحبك كل يوم يحبك بطريقه جديده

    علشان الملل ممكن يقضى على اى حاجه حتى الحب

    دى كانت وجهه نظرها

    وجهه نظرى المتواضعه بقى هى:

    اعتقد ان احنا دايما بندور عالحب وعلى اللى نحبه


    لان كل واحد مننا عباره عن جزء وتكملته مع الشخص اللى هيحبه

    حتى وجود الشخص ده فانت ناقص وغير مكتمل

    لما تقابل الشخص ده تكون كملت حياتك

    طبعا انا قصدى الشخص المناسب

    يعنى زى ما تقولى بدون الحب انت مش فطبيعتك

    بالنسبه للحب فالسن الكبيره حب العواجيز

    فاعتقد ان ده اكبر مثال للحب
    بدون انانيه بدون مجاملات بدون تحفظ بدون قيود

    انسان عاش معاكى لحد ما حفظتيه وبقيتم شخص واحد

    مع اختفاء حتى العامل الجسدى

    بيفضل هو ابو العيال
    عشره العمر
    السند
    لحد ما ربنا يقضى امره فيهم


  6. 7odaaaaaaa Says:

    ديالا: بداتى تتاخرى عن البوست ممممممممممم

    المهم تكونى نفسويتك حاليا كويسه وخدى الحكمه دى من اخوكى حوده

    لفى المروحه الدنيا مروحه

    اما عن رايك فانتى لخصتى الموضوع فالقبول وده اكيد صح
    بس القبول ده بيتوفر فناس كتير حوالينا

    قبولى لزميلتنى ولجارتى ولقريبتى

    ليه بتتطور القبول ده للحب

    وهل ده باختيارى يعنى انا من ضمن 5 اشخاص فى قبول متبادل بختار انا شخص واحد

    فعلا التفكير غريب فالموضوع ده

    اما عن كلامك عن الحب بعد الزواج

    هقلك حاجه محدش يعرفها خالص

    لما بشوف واحد ماشى مع بنت وشابكين ايديهم مع بعض


    اغلبهم بيكونم متجوزين

    بدعى فسرى واقول اللهم اغننى بحلالك عن حرامك

    مع ان الارتباط بحد سهل جدا وممكن يقلب بحب فعلا

    بس اللى عينى بتبرق لما تشوفه هو الحاجه اللى ترضى ربنا
    وبجمله الاسرار اللى الواحد بيقلها

    اظاهر انك مش لوحدك يا ديالا
    بقول لواحد صحبى وانا ماشى معاه مره
    يا ترى حبيبتى مراتى عامله ايه
    نامت ولا سهرانه
    كلت ولا شبعانه
    يا ترى محتاجه فلوس
    يا ترى فى حاجه مدايقاها
    بصلى قلى انت مجنون يا حوده
    فعلا الشخص ده موجود وهقابله
    وهو اكيد بيفكر فيا برده


  7. ديالا Says:

    سبحان الله ياحوده

    لسه في ناس في الدنيا بتفكر زيي

    لسه في ناس بتتمني ان ربنا يغنيها بالحلال عن الحرام لما كنت احس اني هضعف وهكلم ولد افضل ادعي ربنا واقول اللهم اغنينا بحلالك عن حرامك وفعلا ربنا بيبعدني خالص عشان انا مخلوقه لشخص واحد بس ودي الدعوه الي بدعيها في الفجر كل يوم

    وفي مره كنت قاعده مع عريس وكده قالي بتحبي قلتله اه

    قلتله بحب واحد معرفوش بس مستنياه

    بصلي اوي باستغراب ومش مصدق ان في لسه بنت محبتش

    وتقريبا كده مصدقنيش وحسيت ان دماغه بعيده خالص

    فسبحان الله بقي ربنا وحده بقي يعلم بقي ازاي القبول بيتحول لحب بس اكيد دي قدره ربنا


  8. Mona Says:

    ديالا هو أنت ليه متصورة أن الناس الى بتتمنى أنها تغنيها بالحلال أنقرضت ؟؟؟ يعنى أيه لسة فيه ناس؟؟ الحلال بين والحرام بين - والحب الى أحنا بنتكلم عنه هو الحب الحلال لان مافيش نوع أو مسمى تانى للحب وأى حاجة تانية لا تندرج تحت أسم الحب على الاطلاق - أما بخصوص التعليق الاول فأنا أوعدك أنت وحودة لما أعلق والاقى نفسى أول واحدة مش حأكتبه وأستنى شوية لانى لم أكن أعرف أهمية أن الواحد يكتب أول تعليق أنا أصل الحاجات ديه مش بتفرق معايا الاهم أن الواحدي يقرأ ولو عنده تعليق يعلق أى كان دوره -


  9. 7odaaaaaaa Says:

    مين يعلق قبل مين دى مش مشكله

    السبب الوحيد لعرض الموضوع هو الاستفاده من اراء الناس

    بمختلف الثقافات والاعمار والخبرات

    واعتقد انى استفدت فعلا

    جزاكم الله خيرا


  10. ديالا Says:

    مني طبعا انا كنت بهزر
    علي موضوع التعليق الاول بس شكل كده هزاري بيطلع بايخ شويتين

    معلش ياقمره


  11. مخطئ من يشعر ان الحب عبارة عن نداء جسد
    بل هناك علاقة روحانية تربط الحب بالجسد لا يفسرها سوى العاشقون كقبلة خُلقت من ثنايا رجل وأمرأة ..الحب بنظري هو عبارة عن دقة قلب..وطفل صغير في يده قطعة حلوى..ورعشة اتت من رحمِ النظرة الاولى
    هو ذاك الشيء الذي يستحوذ الكثير منا عند التفكير به.. هو كالوطن الذي ننتمي اليه يحضننا ويحتوينا
    ولن نجد صدرا دافئا كصدره..هو السكر الذي يثملنا دون رتوش..صعب ان احيا دونه او ان اتنفس خارج مداراته ..كغيمة طيف تنزل باعماقنا..مطراً

    ياسمين..


  12. 7odaaaaaaa Says:

    ياسمسن: اكيد كان عندى حق لما قلتلك ايه رايك فالموضوع ده سعات كنت بحس ان الحب عندك حق مكتسب

    الحب عباره عن دقه قلب
    وطفل صغير فى يده قطعه حلوى
    ورعشه اتت من رحم النظره الاولى

    ما اجمل حروفك عندماتتلاقى لتعبر عن حبك

    شرفتينى يا ياسمين ويارب دائما


  13. Cleopatra Says:

    من أطرف أمور الحب أنه يتركنا نتسائل ونتعجب ويتسلل هو من أبوابنا الخلفية ليقبع داخلنا, فلا تدرى بنفسك إلا وأنت مستسلم تماما..
    إنه ذلك الشعور الذي نقع فيه ونحن فاقدين الرغبة تماما في القيام!!!
    __
    حقيقة أرى ان الحب وحده شعور لا يكفي لإقامة علاقة وان كان توافر العوامل الأخرى دونه لا يكفي أيضا.. ارى الكثير من الثنائيات العبقرية, فأجد اثنان يمثلان معا فريقا رائعا ..فريقا قادرا على المغامرة وتبادل الأدوار بذكاء ..هؤلاء لو توافر معهم الحب سيشكلون المعادلة العبقرية للتوافق والإنسجام ..
    وصدقني , مهما بلغ بك الأمر, ستظل كلمة القدر هي الأولى !!


  14. 7odaaaaaaa Says:

    ياااااااااااااااااااااه امنيه بنفسها مشرفانى هنا

    عرفتى عنوان المطرح هنا ازاى

    ده شرف ليا والله
    يااه على ولاد البلد لما يتقابلو فالغربه

    الحقيقه انى دورت على اسباب وطرق الحب ده يا امنيه ودخت فالاخر

    حتى احمد نفسه هو كاتب البوست ده من افكار الشله كلها

    بس هو الواضح ان كلامك صح

    بيخلينا نفكر ونسال ويدخل من غير ما نحس

    اما عن كلامك عن المعادله العبقريه

    اعتقد انها ممكن تسمح بغياب اى العناصر الا عنصر الحب علشان تتم

    ...................... شرفتينى يا امنيه بجد


  15. Cleopatra Says:

    بص يامحمود, انا موقنة ان طبيعتك المائية أكيد بتأثر على تفكيرك ,و بالتالي طرحك للموضوع دا بالذات هو طرح منطقي من شخصك
    اما على موضوع المعادلة العبقرية, فوجود اتنين بينهم توافق وبيشكلوا فريق متعاون مع بعض هيصنع حياة سعيدة جدا حتى ولو في وجود القليل من المشاعر, لكن صدقني مهما بلغت قوة المشاعر هتنهار ادام اول مطب من عدم التوافق العقلي أو عدم توافق الطباع, ودا اللي بيخلي زيجات كتير حوالينا يبقوا ايام الخطوبة زي العصافير وبعد الجواز زي الغربان ..
    ماتستغربش طالما كل اتنين مرتبطين فاكرين نفسهم روميو وجوليت, بس اختبارات الحياة الحقيقية بتحطهم في مأزق حرج جدا ادام مشاعرهم اللي غالبا ما بتكون مجرد حاجة بسيطة جدا ماتمشيهمش 3 ايام بس بعد الجواز ..

    اما عن مجيئي هنا فاللي يسأل مايتوهش يافندم
    وبالتأكيد اني شرفتك "بجد"lol


  16. Mona Says:

    بجد تعليقك على موضوع الانفراد ضحكنى موت أنا خلاص حأقفل اللاب توب وداخلة أنام بس لاقيت تعليقك وبعدين تعليق ماما مازن - ضحكتنى :))) بس ماقلتليش تعليق على الانجليزى (واحدة جديدة كتبتها) أنت عارف أنا بحب تعليقاتك - أنت وماما مازن بتهمنى جدا


  17. 7odaaaaaaa Says:

    امنيه: وكيف تتلاقى طبيعتك الترابيه مع طبيعتى

    مع ميلك الى الواقعيه الماديه وميلى الى الررومانسيه

    ايقنت حين رايت اسمك من الوهله الاولى ان الواقعيه سوف تكون السمه الاساسيه لرايك فالموضوع
    ان لا اقول ان اسلم للقلب تماما مع نفى دور العقل
    بل احكم الاتنين
    حتى ذلك التوافق الذى تتكلمين عنه هو ايضا ناتج عن ذلك الحب لكن اقصد الحب الحقيقى وليس الاعجاب والمشاعر غير الصادقه
    او محاوله خلق حاله الحب التى اراها فى عيون اى بنت تحاول العيش فيها لمجرد انها اتخطبت

    الحب عندى هو ايجاد ما اتفق فيه انا ومن احب وما نختلف فيه اتركه للزمن فهو كفيل ان يصلحه

    اما عن نجاح العلاقه من فشله فهذا يخضع لقانون الاحتمالات والنسب ولا توجد معايير ثابته للحكم على اى علاقه مهما كانت اطراف المعادله موجوده ومتناسبه


  18. 7odaaaaaaa Says:

    منى: موضوعك الجديد جميل جدا واسلوبك رائع رائع
    يارب يكون التعليق بس وصل
    حتى اخويا هو فاداب انجليش وقرا الوست بتاعك وعجبه اسلوبك جدا
    بالتوفيق دائما


  19. Mona Says:

    أشكرك التعليق وصل وأنا بعتلك على الايميل الخاص بك أنه وصل


  20. 7odaaaaaaa Says:

    منى: ترجمه الكلمه( بيعجبنى سعادتى فتوهجك) معنى انه بيكون فرحان اوى وهو شايفك متوهجه وده جزء برده من سحرك............. اى خدمه ومرسى على زوقك اخجلتم تواضعنا والله


  21. 7odaaaaaaa Says:

    طبعا الكلام باسلوبك احسن بكتير من اسلوبى اعمل ايه الانجليش الطببى طغى على تعبيرى بالانجليش العادى هههههههههههههههههههههههههههه


  22. حلـم،، Says:

    (يوم القيامه مش بكره اقدامك وقت اتغيري )هذا جزء من تعليقك عند دموع الورد..وهذا الوعى الجميل ما جعلني اتجول في مدونت الجميلة واسجل مروري واحترامي لتفكيرك


  23. 7odaaaaaaa Says:

    حلم:متشكر جدا لمرورك الجميل

    بس هو ده اللى كنت عايز اوصله لديالا

    ما نغلط عادى محنا بشر ايه المشكله

    ى بنتصدم كتير حتى فاعز الناس اللى حوالينا برده عادى

    وسعات بنحس ان احنا ملناش لازمه برده عادى

    لكن ان احنا نتعلم من الغلط ده ونغير من نفسنا للاحسن هو ده المطلوب والوقت لسه مخلصشى

    نفسى ديالا بس تفهم الكلام ده

    ويارب متحرمنيش من زيارتك يا حلم


  24. ديالا Says:

    معني كلامك وصل ياحوده

    بس فعلا بحس كتير ان الي انا فيه ده غلط بس برجع اقول ان ربنا بيعامل كل واحد بنيته فعايشه بين نارين

    اني ابقي زي الناس الي حواليا او اكون زي ماانا

    وجملتك دي صدقني فوقتني اوي

    فوقتني ان احنا بنعمل كل حاجه عشان عندنا يوم كلنا هنتحاسب ادام الخالق

    يوم القيامه وربنا هيحاسبنا علي نيتنا سواء كانت طيبه او لقدر الله سيئه

    فنعمل لاخرتنا ونسيبنا بقي من الدنيا

    وشكرا بجد اوي يادكتور علي كلامك الغالي

    وتحياتي لك ياحلم


  25. سال حبرك هنا وروانا بقطرا كاد الدمع
    يستل منا امام تلك الكلمات العظيمه
    فكم فخورين بك


    كلمات حب

    http://zawag.alnaddy.com/blog/article/266180


    About Me

    صورتي
    صار لى شى 100 سنه عم الف عناوين مش معروفه لمين ووديلهون اخبار بكره لابد السما لتشتيلى عالباب شمسيات واحباب بياخدونى بشى نهار واللى تزكر كل الناس بالاخر زكرنى

    Followers