|
حطمى جدران صمتك واصرخى. . فجرى بركان غضبك وارحلى .. ولكن لا تنسى قلبى الهزيل وقت الرحيل .. كم ضاع نبضه عليكى وتسارعت دقاته لأجل اللاشىء .. كم وأدتى معنى الحب فى رحم الامل .. وسط صرخات و صراعات نفسك . اخرجى من ازمانى ..واصنعى من انفاسك المتسارعه موسيقى اخرى غير ما كنتى تسمعينها فى خلفيتى.. اهجرى ذلك المتكأ الذى صنعته لكى من اضلعى وطيب نفسى .. لملمى اوراق احتجاجاتك المتناثره.. ولتجدى لكى محرابا غير محرابى .. وصلاه غير صلاتى . . اصنعى من رفات قلبى جبلا ..ولتقفى عليه لتخرجى من بين جنبات اسوارى العاليه .. ولن استجدى الرحمه منكى. ليقينى ان تلك الكلمه لم ترد فى قاموس مشاعرك .. فلكم سمعت من حولى يرددون الصبر موعده الفرج.. وفى عهدك ذقت الصبر لكنى لم اعى معنى الفرج ليطول صبرى.. بداتى حلمك برسمك تلك النافذه على جدران عندك
والان وجدتى مخرجا من عالمى ..
ولكن فيم المفر والى متى ؟!!!!
منى بدأتى....... وأنا المنتهى
انا من اضاف حرفى الحاء والباء الى ابجديتك ..
و أنا من فك قيدك لتعلنى حريتك....
والان وجدتى مخرجا من عالمى ..
ولكن فيم المفر والى متى ؟!!!!
منى بدأتى....... وأنا المنتهى
انا من اضاف حرفى الحاء والباء الى ابجديتك ..
و أنا من فك قيدك لتعلنى حريتك....
الحق اول تعليق
ده انا كنت فقدت الامل فيكى يا بنتى وقلتدى تعبانه ومش هتيجى بدرى
ايه ده!
مش معقوله
بجد كلامك شعر
بس فيها حاجه بجد البوست ده
ياريت مش يكون تجربه شخصيه
بس بجد عجبني اخر سطرين في البوست اوي
حلوين جدا جدا
حتي لو تعبانه مقدرش اتاخر علي التعليق
بس لحمد لله اني كنت اول تعليق
هههههههههه لا الحمد لله مش تجربه شخصيه معتقدشى هبقى انانى كده يا ديالا لو حبيت
طب تمام ده انا قلت كده مستقبل الطب في خطر
بس الحمد لله ربنا ستر
اولا الف الف سلامه لقيتا حاجه غريبه اوى الناس القليله اللى بيزورو مدونتى وهم بجد كتير فعينى بدام يختفم زى غاده وربنا يفرحها بقريبتها وزيك برده وتعبك فقلت يا ترى فيه ايه اللى مصبر الواحد موضوعات مامه مازن وابله منى اللى بجد ميتشبعشى منها
هههههههههه لا الحمد لله مش تجربه شخصيه معتقدشى هبقى انانى كده يا ديالا لو حبيت
المهم انتى حاليا عامله ايه مش عايزه روشته مجانيه ولا حاجه
الحمد لله بقيت تمام ومش هختفي تاني ع المدونه الا لما اتخطف او اتقتل باذن الله او اي حاجه من الحاجات الجميله دي
بس بامانه والله البوست كلاماته رائعه
بالحق نسيت اقولك اخدت منك طريقه تشغيل الاغاني عندي في مدونتي
معلش بقي اعذرني
يا ستى انتى تامرى عايزه تاخدى المدونه كلها ىخديها احنا عندنا كام امانى يعنى
ربنا يخليك يارب
بس لا بلاش اسيبلك المدونه حرام طب انت هتقعد فين يعني
بس ابقي قولي اريه رايك في الاغاني الي انا حطاها
وعلي فكره بعشق فيروز
ديالا: زوقك جامد فالاغانى ... ومين مش بيحب فيروز يا بنتى فيروز صوت الجبل وممكن تقولى صوت الحياه
منى: ههههههههههههههه
هههههههههههههه ملعوبه
بس اعمل ايه لما بتكتبى خواطر بتجبرينى انى ارد عليكى ههههههههه بحب اتخيل نفسى بيتقالى الكلام ده فبرد بس ههههههههههه
لا مش تجربه شخصيه طبعا بس بشوف كتير حواليا بيبقى عندهم نفس الاسلوب ده فالحب
وعشان كده اسم البوست وجه اخر للحب
لكن سؤالى ليه دايما بنلاقى الحب معاه الانانيه؟؟؟
بالنسبه لديالا اها اصلى مش من هواه الشات فبتكلم معاها فوسط الكومنتات ههههههههه
الاغنيه جميله والدخله بتاعتها روعه ثانكس
ايه ده هيا مني مش حابه تعليقاتنا هنا ولا ايه؟
ممكن علي فكره لو فيها مشكله اقتصر بتعليقاتي علي البوست بس
واعذوروني لو بضايقكوا
تصبحوا علي الف خير
هههههههههههههه لا لا اصل احنا فاتحنها شات فعلا وبعدين منى معندهاش عقد فممكن تعلقى وتشيتى عادى هنا هى دماغها اكبر من كده ولا ايه؟
ديالا: الدنيا مش مستاهله نزعل من بعض بسرعه كده
وبعدين التعليقات اللى بتكتبيها دى مش فالسر ده حتى الشات بيبقى فالسر لكن دى قدام الناس وفالعلن ولا انتى ولا انا ننكسف منها
بس يا ستى مستينك تردى تانى بقى والا مش هعتب دمياط تانى
ديالا : أوعى تكونى زعلتى بجد أنا أسفة تانى لك أنت ومحمود ومش حتسحب من لسانى تانى وحأمسح التعليقات
يا جماعه زعل ايه بس هو ايه اللى حصل اصلا
الكلام اتفهم غلط بس
ومفيش زعل والحمد لله
ديالا المشبك عندكم جامد وانا بحبه
وبعدين نجيب لاولاد منى هريسه كمان بلاش بخل بقى
هههههههههه
يعني عرفني عشان المشبك والريسه
ينفع كده بزمتك يامني
عادي ياجماعه
معلش اصلي بجد مخنوقه جدا من شويه حاجات كده
بجد انا الي بتاسف
ومعلش استحملوني
واسفه يامني جدا جدا
وسوري ياحوده
وهجيبلك مشبك متخفش
وبكده تبقى خلصت حلقتنا النهارده
وكانت بعنوان(تاثير المشبك على العلاقات بين الاشخاص)
وديالا رجعت تانى ومصر اليوم فعيد
وانا اصلا نسيت انا كنت كاتب فالبوست ايه منكم
واروح بقى انام عشان الاسبيتاليه بكره اشوفكم على خير
bon nuit
ديالا : خليتينى أمسح الكلمتين الشعر الى تفتق ذهنى عنهم وببتهم لمحمود دلوقتى طبعا مش فاكرة كنت كاتبة ايه مع أنهم كانوا عاجبنى وبعدين ولا تتخنقى ولا حاجة من شوية دخلت على مدونة لقيت صحبها كاتب :
if u want to be happy
صلى على النبى :))) فيه أحلى من كده يلا روقى عليه افضل صلاة وسلام -
ايه العسل ده طب حد يصحينى اقعد معاكم واجيبلكم فطير وعسل واللا حاجة وديالا تعملنا ترمس شاى ونعمل لمة كده يعنى انت وديالا ومنى لا كانت نقصانى بجد واجيب مازن وتبقى ميه ميه
هههههههههههههههههههههههههههههههه
كفايه ضحك بقى اما اروح اقرا بقى دا بيقولوا هايل وكده
اللهم صلى على النبى افضل صلاة واذكى السلام
ايه يا دكتور الجمال ده بس مش شايفة انانية ولا حاجة هوخلاص يأس من محاولاته من اجل هذا الحب فقرر انه ينتصر لاجل الباقى من كرامته ويفسح لها المجال لكى ترحل بعيدا ويبدأ من جديد
وفعلا حاجة رائعة بجد
ربنا يوفقك اخى
مامه مازن: مرسى لزوقك
بس الواحده اللى تكون عل يزه تسيب كل حاجهع بالمنظر ده
يبقى اكيد كل محاولاتها انها تكمل خلصت
ومفيش علاقه حب هتكمل بقلب واحد بس
وهو من وجهه نظره شايف انه عامل اللى عليه
طالما وصلت للدرجه دى يبقى لازم يوقف
ويطلق سراحها
دى وجهه نظر
بس محدش قالى ايه رايه فالصوره؟
الصورة طبعا تحفة ومعبرة جدا مفيش كلام
الصوره فعلا حلوه اوي
محاولات موفقة يامحمود, راقت لي الفكرة وان كنت أرى أنك تملك ثراءا لغويا يدفعك لقول المزيد وتتبع نفسك بمزيد من الجرأة.
نهاية الخاطرة جائت مفاجئة, وكأنك سكتت عن الكلام فجأة, ولهذا شعرت أن النص ناقصا, خاصة مع قوة ألفاظ بدايته مثل ( اصرخي -حطمي- فجري ) والتي جائت مناسبة تمام للصورة المرفقة.
ارجوا أن تلحظ بعض الأخطاء الإملائية البسيطة, مراعاتها سيمنح نصوصك ثقلا أدبيا.
تقبل تحياتي لقلمك .. وكلماتك