|
فبيومى هذا اتممت الرابعه والعشرين ..
كل النتايج قالو حكمتهم ياحودا يومك عسل واحنامتفائلين ..
حتى المنبه رن من بدرى وقلى قوم اصحى محناش من الكسلانين ..
ترتك جاتوهك يلا قوم حضر جمع احبه ليك مشتاقين ..
حتى الشموع مع انها بتزعل لما بتولع وبتعيط ..
قالت يا حوده انت من الغاليين ..
يارب مش ليا امانى كتيره مش طماع ولا هايف ..
انا خايف اكون على عمرى من النادمين ..
انا طالب يكون يومى بدايه عمر من تانى..
وتبعد عنى مين حاقد ومين طماع وانانى ..
ومنقفشى لبعض عالواحده ومنكنشى من العاتبين ..
لان العيشه مش سهله ..
ومش مستاهله نضيع عمر من تانى ..
ونرجع تانى مش لاقيين ومش عارفين........
عايز هدايا فالكومنتات بليز..
يعنى أنت برج السرطان ده أنت لازم تاعب أهلك جدا جدا زى أبنى :)))) وأزاى حنحط لك هدايا فى الكومنتس؟؟؟ Happy Birthday Mahmoud and Many Happy Returns of the day May it brings you all the wishes and hopes you are looking for in shaa allah
Enjoy your life and be good and take care of yourself
ياحالولى تانى مرة أكتب لحد النهاردة وأطلع أول تعليق :)))
بس ليه شتان بين عيدك وأعياد الاخرين!! وبمناسبة عيد الميلاد مش ناوى تغير الاسم برضة ؟؟؟!!!
كل سنه وانت طيب
يعني انت بقيت 30 سنه ماينس 6
انا برضه يوم 24 في نفس الشهر بتاعك هتم30 ماينس 8
يعني دخلنا سن الياس معلش بقي هنعمل ايه كلنا لها
وحدوه
لا اله الا الله مادايم الا وجهه
لا بجد بقي كل سنه وانت طيب وبالف خير
وهديتك اكبر كل ن وانت طيب في الدنيا
كل سنة وحضرتك طيب
http://sherfez.jeeran.com/%D9%88%D8%B1%D8%AF6.jpg
هدية بسيطة
واخيرا خلصت النوبتجيه ورجعت بيتى بعد يوم شاق
متشكر ليكم بجد يا جماعه على مشاعركم الجميله دى وعقبال ما اشوف كل واحد فيكم سعيد السنه دى بالنسبه للبوست انا كنت صاحى مهيس الصبح وقلت قبل ما انزل الشغل اكتبلى كلمتين تهنئه ههههههههههههههه بس كان يوم متعب والله يلا الحمد لله
منى: ايوه انا برج السرطان بس والله ما تاعب اهلى ولا حاجه ده انا غلباااااااااان ومتشكر على زوقك اول تعليق يا سلام وبالانجليش ككمان شتان بين عيدى وعيد الاخرين عشان الناس الجميله اللى زيكم قالولى كل سنه وانت طيب
ديالا: ايوه يا بنتى كبرنا فالسن خلاص بس هنعمل ايه دى سنه الحياه وبليز متجبيش سيره التلاتين دول لسه الشباب ههههههههه بس مش عيب متبقيش اول كومنت ينفع يعنى؟ يلا هعديهالك المره دى بس ومتشكر على زوقك يا ديالا..... سؤال صحيح يا ديالا هو ده اسمك فعلا ومعناه ايه؟
مامه مازن: متشكر على احلى هديه محدش جابلى هديه غيرك على فكره بجد جميله اوى وقلت للناس الهدايا فالكومنتات يعنى حد يبعتلى فيديو موسيقى ولا اغنيه ولا اى حاجه محدش عبرنى الا انتى ويارب ربنا يفرحك بمريومه ومازن وتشوفيهم دكاتره زييى كده
لا يادكتور
ده مش اسمي
ده اسم مستعار
بس عاجبني جدا
ولو ربني كرمني واتجوزت هسمي بنتي باذن الله
معناه:اسم منسوب لنهار ديلي في العراق
وممكن اقول اسمي الحقيقي
هنا في الكومنت
بس اتعامل معايا بديالا
(اماني)
تصحيح:نهر ديلي في العراق
ديالا: مع ان اسمك حلو برده بس جميل ديالا اصلى اول مره اسمع الاسم ده وحلوه حكايه الاسم المستعار دى لزوم التخفى يعنى اها بس بناءا على طلبك هقلك ديالا برده ميرسى يا ديالا تانى على زوقك
يا جماعه محدش يقلى يا دكتور انا بسمع الكلمه دى طول النهار وانا بعتبركم صحابى فبلاش التكليف خلوها حوده
مش قصدي تخفي ولا حاجه
ياحوده كده تمام
وبجد زعلت اني مش كنت اول كومنت
بس اعمل ايه بس مشغوله اليومين دول عندي امتحانات محو اميه
ولازم اذاكر للطلبه
ادعيلي
ديالا: ربنا يوفقك يا بنتى ومقدرين انك مشغوله الشغل مش بيرحم هنعمل ايه بس وربنا يديكى ثواب عن محو الاميهة دى
لا ياحوده ثواب ايه ياابني
دي الخدمه العامه بتاعتي
زور البوست بتاعي الجديد
وانت تعرف انه مهازل محو الاميه
واولا انا مش بشتغل لسه
دي مجرد خدمه عامه
ولما بقولك بذاكر للطلبه انا كنت بتريق علي نفسي
بس انا مشغوله فعلا لاني مش لاقيه الطلاب الي هيمتحنوا
ديالا:هههههههههه فهمت خلاص وعلقت عندك
مبروك القالب الجديد
هو جالك هدية واللا ايه د\ محمود
مامه مازن: الله يبارك فيكى.. ده علشان السنه الجديده ثوب جديد لا مفيش هديه جاتلى غيير منك... متشالالك يا مامه مازن ان شاء الله
كل عام وانت كما تحب ان تكون
ياسمين..
متشكر ليكى يا ارق ياسميمن بجد ويارب انتى اطيب
كل سنة وأنت بألف خيرر يامحمود
وليس من النادمين إن شاء الله :)
متشكرة اوي علي اهتمامك وسؤالك والله
الحمد لله هي كويسة دلوقتي بس نتيجة التحليل يوم الاحد
هو الدكتور مطمننا اوي وبيقول إنها شوية لخبطة وزيادة ف الهرمونات
كلهم مطمنين بس مش عارفه ليه أنا لوحدي ال قلقانه وخايفه:(
ربنا يستر بأة إن شاء الله
ويارب بألف خيير دايما وسعادة
الهدية يوم الاحد بأة ^^ لما ابقي مبسوطة هههه