|
وتبعد آهة مكتومه
وتجرى الدمعه مهزومه
فى ليله عيد
وننسى حجات بتألمنا
وتيجى الفكره تجمعنا
ويبقى للحياه معنى
وشكل جديد
ولو فى حزن فالصوره
بيغلبهاالأمل فالعيد
وندّارى فيوم وقفه
نقول دى حياتنا مش وقفه
وحتى العمر بيزيد
وصوت الزحمه حوالينا
يروح صارخ فوحدتنا
نقوم ندّارى فالأيام
ونسبق بكره بالأحلام
ونستنى ونتمنى
رجوع العيد
الصوره تم التقاطها بواسطه أمنيه الخياط
الكلمات جميلة والصورة صادقة ومعبرة وربنا يقدر الجميع على فعل الخير
مرحبا صديقي الطبيب ..
شكرا على حفظ حقوق الملكية وان كانت مهاراتي التصويرية تفوق هذه الصورة بمراحل ^_^
موضوع جميل , تقبل تحياتي