|
تحيا جمهوريه مصمص الهنديه
صباح اليوم استيقظت على صوت جرس المنبه يرن لأفعل أول شىء أفعله كل صباح أضىء
المذياع لسماع برنامجى المفضل(صباح الفل يا مصمص) انها بدايه الالفيه الثالثه وقد
سمعت المذيع يتحدث عن الخطاب الذى القاه الرئيس الموقر (جيمى السادس) تحت شعار
الحزب الوطنى بيفوز والمستقبل لوووز بدا الخطاب بالنشيد الوطنى الشهير( مركبتش على
فيلها) ثم أشار فخامته الى ما تم فى فتره ولايته من انجازات نعم فلقد تم الكثير والكثير ففى
المجال السياسى لم يتبق من احزاب مصمص المختلفه معارضه وموالاه الا حزب واحد نعم
فلقد اثبت جدارته على مر التاريخ ثم تطرق فخامته عن انجازاته للشباب وتوفير فرص
العمل لم تعد هناك بطاله كما فالسابق حتى أنه تم الاتفاق على الغاء كل من مصطلح (البطاله
والمحسوبيه والوساطه) من القاموس نهائيا فلم يعد هناك من يستخدمها ولم نعد نراها الا فى
كتب التاريخ القديم وتحدث فخامته عن اكتفاء الموظف بأساسى المرتب وتغاضيه عن
الحوافز وبدلات العمل فلقد اعطى المرتب سعه فى العيش مما جعل الموظف فى موقف
الاستغناء وقد تم حساب الوقت الذى يقضيه الموظف بعيدا عن العمل ولم تتبق الا ساعه تم
الاتفاق عليها على أن يقضى الوقت الباقى مع أسرته فمنذ الغاء الدروس الخصوصيه أصبح
هناك وقت كاف لتجمع أفراد الأسره وتحدث سيادته عن توفير ودعم التموين للمواطن
المصمصى المرفه وعلى الغاء طوابير الخبز والاتفاق على توصيل الخبز مضغوط على
الايميل وذلك على حسب سرعه النت ثم اثنى سيادته على المنتخب الوطنى لفوزه الساحق
للمره الخامسه على منتخب البرازيل وصعوده الى نهائيات كاس العالم بقياده المدرب
المصمصى الوطنى (شحاته السادس) وفى مجال المواصلات صرح أنه سوف يتم الاعتراف
(باللكلك) كمواصله مدعومه بتعرفه خمسه جنيهات مصمصيه مخرومه لا غير وعملها
بالطاقه النوويه النظيفه وأشاد ايضا فخامته بدور الأعلام الهادف وديموقراطيه القلم ووجود
الرأى والرأى الأخر وكمان راى زياده خلى المواطن يتكلم براحته تحت شعار( اللى يحبنا
ميضربشى نار ففرحنا) وعن نيل معظم الافلام الوطنيه بجائزه البوكسر الشهيره ولم يغفل
سيادته عن التامين الصحى للمواطن المصمصى فقد تم الغاءه لم تعد هناك حاجه للمستفيات
الحكوميه فلقد تم خصخصتها جمعاء فى وقفه شكر واعزاز لصاحب تلك الفكره وشراره
البدء الدكتور( الجبلى السادس) وايضا عن منحه نوط الواجب العلمى المصمصى لأكتشافه
مصل أوقف تقدم المرض الخبيث والذى واصل تقدمه فى صوره أنفلونزا وسمى بأسماء كل
الطيور والحيوانات الى ان قضى على نصف سكان مصمص وذلك فى أواخر الالفيه الثانيه
وتحدث ايضا عن المعاشات ورعايه كبار السن تحت شعار( يا نعيش عيشه فل يا نموت
أحنا الكل) ثم توقف سيادته برهه داعيا أفراد دوله مصمص حكومه وشعبا الى الدعاء الى
دوله امريكا وعن نيته لزياده المعونه الاسبوعيه واتى ذلك بعد زياره الرئيس (اوباما
السادس) لدولتنا الحبيبه راجيا عطف رئيسنا الحبيب وقد أنهى خطبه سيادته بالأغنيه الهنديه
الشهيره( لو سألتك أنت مرضى .. تقولى ايه ؟) تقولى ايه؟
ههههههههه..لطيفة يا حودة..
بوست جميل
بس ربنا يخليك غير لون الخط انا نظري ضعييييييييييف
والاحمر زغلل عيني
ممكن تخليه مثلا اخضر
اا ضفت المدونه عندي عشان اتابع احدث بوستاتك
ماشاء الله الفكرة مذهلة الصراحة بس جمهورية مصمص دى اكيد حصل فيها كده سنة5000 ميلادية والصورة روعة معبرة بجد
مبروك تغيير قالب المدونة والى مزيد من التقدم
اشكرك جدا د\ محمود على الغاء حروف التاكيد
خليفه : انت الالطف يا خليفه ومنور يا باشا
ديالا: يارب تكونى بقيتى احسن دلوقتى هحاول اغير اللون الاحمر لانه زغلل عينى انا كمان وطبعا شرف ليا انك تضيفى مدونتى عندك مرسى يا ديالا
مامه مازن : شكرا على رايك فالبوست لا الكلام ده محصلشى فسنه 5000 ميلاديه هههههههه ولا هيحصل شكله اه بالنسبه للصوره ده واحد فدوله مصمص دى بيقول ااااه ةوحتى الاه عايزين يكتموها
حوده
هجاوبك علس سؤالك الس سالت ليا في مدونتي
لما الواحد يكون متضايق اوي غصب عنه ده بيخليه يستجمع كل الحاجات الي مزعلاه
مع اني في حياتي حاجات حلوه اوي
يعني
مسلمه
وربنا خلاني اتعلم تعليم عالي
وعيلتي كلها جمبي
وده اهم حاجه عندي
بس ساعات بتيجي حاجات من اصحابك وبيكونا كل حياتك فغدرهم بيخليك بتتخبط وش شايف ادامك
بس متقلقش عليا
اكيد هاخد فتره وابقي احسن
وهتشوف ده في بوستاتي
وانا الي يشرفني ان مدونتك تكون عندي في مفضلتي
ربنا يوفقك
جمييلة اوي دولة مصمص دي هي موقعها الجغرافي فين بالظبط من قارة امريكا :))
واكيد بعد كل ده لازم الاجابة تبقي مرضي ^^
فكرة البوست جمييلة اوي بجد
دمت بخييررر
منور دولة مصمص والله ياحوده (:
غاده يا قلب ارهقته الاحلام كما ارهقتنا جميعا دوله مصمص يا ستى فاى حته وفاى قاره بعيده عن هنا وطبعا الا جابه مرضى هو فيه اختيار من متعدد وانا مش واخد بالى نورتينى بجد يا غاده ويارب دايما