|
كنت عايش جوه قلب جوه بحر ملوش نهايه . كنت من اخلاصه شارد والامان موجود معايا. بس من جوايا كنت بحلم ابقى طير. مش مصدق انى سادد باب لخير. مش مكفى حب غالى مش بيرخص مش انانى. ذنب مين ؟؟ذنب قلب عاش عشانى . ذنب عند مش مقدر ان بحر الحب واسع وان شطه مش موانع. مش جبال هدت حنين ولا ميا هتطفى جوانا شوق السنين. لازم ارجع ايوه جوه بحر الحب هخضع. مش هعاند جوه صوره حب حلوه هفضل وساند مش هكون فالبحر موجه رايحه جايه بس قلب حبيبى يصفى وينسى منى فيوم قسيه وينسى انى فيوم هجرته ويفتكر انى فبحره كنت عايش بخاف عليه ويخاف عليه. وان رمل الشوق فقلبى قالى راجع مش هسيب الشط وحده مش هيسكن شطى غيرى .. وفساعتها موجه شاورت بينا نلحق مركب الحب اللى جايه
اهداء الى من لم اقدر حبها فى زمن عز فيه الحب
كلامك جميييل اوي بجد
بس ياريت يكون الرجوع ده قبل فوات الاوان :)
نورتني وان شاء الله مش تكون آخر زيارة بيننا
تحياتي ,,,
انتى اللى نورتينى يا غاده ويارب تفضلى تكتبى كده دايما عشان نفضل نستمتع باسلوبك واحساسك بجد ده شرف ليا انك علقتى
اخى د\ محمود كلمات جميلة بس يارب يكون فى تسامح بقدر الكلمات الجميلة دى
ليا طلب لو سمحت من فضلك لو ممكن تشيل حروف التاكيد هتساعدنا كتير
شكرا يا مامه مازن على تعليقك الجميل واكيد لسه فى تسامح من غيره منقدرشى نعيش اوك نشيل الحروف ده اول طلب ليكى ويمشى طبعا تحياتى ودايما تنورى مدونتى
أرجع قبل فوات الاوان لو فيه حب صادق فى الزمن ده مش المفروض حد يضيعه وأكيد حتلاقى طريقة ترجعة والف طريقة تثبته وتحفظه وأشكرك أنك مرت على مدونتى وتعليقك أكثر من رائع -
لى تعليق بسيط ليه الاسم أخر يوم فى الجنة ؟؟؟ خليك متفائل مافيش أخر يوم أن شاء الله أيامك كلها جنة