ويفضل حبى ليكى سكات



وضحكة باهته عالشفايف

وحروفى تايهه مالكلام

وسيل معانى مشرقه لقلبك

لسّاه خايف

يتوه فزحمه الأيام

وأحاول ألضم الحكايات

سعتها ألمس اللحظه

ويتحول كلامى سكات 

وأمل حاير

..وبلقاكى

وتتجسد خيوط الفجر

 فضفاير

وشوق طاير

وترفض رعشه البرد

 فحنينى

دفا توبك

وتستغرب دموع عينى

وتعلنها

!!أنا قدرك ومكتوبك

وحتى سكوتنا فلقانا

يقول العشق جوانا

عشان الكلمه من روحى

فسيبى اللحظه تتكلم

تصحى الصبح.. وتبوحى

حدود الكون هتتحدد

بلون خطى

وضيقه قلبى وجروحى

ساعتها تغازل الوسعات

وتشرق شمسى وتخطى

ويفضل حبى ليكى سكات

ويفضل حبى ليكى سكات
!!


قلمى)))

عروبة..سوف أفتقدها




فقط امهلينى..

 بضع دقائق

كى أرثى قلبى المكلوم

وأواسى سنين العمر

المنصرم ..المهزوم

وأعانق أيامى..ساعاتى

وزمان أعياه وفائى

لبكاء الصوت المكتوم!!

فقط بضع دقائق

كى أطبع اخر قبله

على جبين الماضى

فقط لأنه احتواكى

وأوارى سوءات العقل

العربى المجنون

وأهىء قلبى لحبيبه اخرى

اهواها كى أجد السلوى

أو تطعن باقى الأحلام

بنصل أخوى مسموم

وأعلق اّمالى الجديدة

على هامش الحياه

كما كانت دائما

فقط بضع دقائق

لأشاهد ثوره

بركان مهموم

ولربما يعطى

 معالم جديدة

وألوان جديدة

لخريطة وطنى

المقسوم

فقط بضع دقائق

لأشاهد تلك الدمعة

المنشقه عن عينك

ولعلها تأتى

لتواسى سماء

سكنتها غيوم

أعطينى الوقت الكافى

كى أبكى..

أو أضحك..

كى أكشف وجه

!!القدر المحتوم





وتلك الباقه لروح الزعيم جمال عبد الناصر
فلترقد فى سلام
فحلمك يأبى ان يتحقق


لا اله الا انت سبحانك انا كنا من الظالمين




    About Me

    صورتي
    صار لى شى 100 سنه عم الف عناوين مش معروفه لمين ووديلهون اخبار بكره لابد السما لتشتيلى عالباب شمسيات واحباب بياخدونى بشى نهار واللى تزكر كل الناس بالاخر زكرنى

    Followers