ويفضل حبى ليكى سكات



وضحكة باهته عالشفايف

وحروفى تايهه مالكلام

وسيل معانى مشرقه لقلبك

لسّاه خايف

يتوه فزحمه الأيام

وأحاول ألضم الحكايات

سعتها ألمس اللحظه

ويتحول كلامى سكات 

وأمل حاير

..وبلقاكى

وتتجسد خيوط الفجر

 فضفاير

وشوق طاير

وترفض رعشه البرد

 فحنينى

دفا توبك

وتستغرب دموع عينى

وتعلنها

!!أنا قدرك ومكتوبك

وحتى سكوتنا فلقانا

يقول العشق جوانا

عشان الكلمه من روحى

فسيبى اللحظه تتكلم

تصحى الصبح.. وتبوحى

حدود الكون هتتحدد

بلون خطى

وضيقه قلبى وجروحى

ساعتها تغازل الوسعات

وتشرق شمسى وتخطى

ويفضل حبى ليكى سكات

ويفضل حبى ليكى سكات
!!


قلمى)))

7 Responses
  1. Mona Says:

    ليكون الحب حبا يجب أن يتحول السكوت الى كلام فمن أين ستعرف أنها القدر والمكتوب - حبى ليكى سكات من الافضل أن يكون حبى ليكى بوح - وكالعادة رقيقة ومعبرة


  2. Atef Shahin Says:

    كل عام وانت بالف خير
    تعبيراتك رقيقة وتصل القلب


  3. أزال المؤلف هذا التعليق.

  4. برأي لو رايت قلبك في محبتها
    لما رافقك الصمت
    محمود..كن بخير فقط وليكسو حرفك املاً اخضر
    ..حتماً حينها ستنطق..


  5. 7odaaaaaaa Says:

    بتشرفنى يا دكتور عاطف بجد بتشريفك لمدونتى المتواضعه جدا ويمكن منى هى اللى عرفتنى بيك زى ما عرفتنى بناش محترمه كتير
    وبفرح لما الاقى اطباء ادباء اوى



    حمد لله على السلامه يا ياسمين المدونه نورت تانى
    وكندا اكيد نورت برده
    المهم يا ياسمين متى ننطق وكيف..


    ازيك يا منى انا كنت برد على اغنيه حنان ماضى بس
    (وش يبتسم) مش قصدى حاجه تانيه


  6. you have been Tagged
    (:

    http://yasminethoughts.blogspot.com/2009/11/blog-post_30.html


  7. غير معرف Says:

    حزن عميق يلقي بظلاله على اركان قلب مكسور..ملاته الظلمة و قتله السكوت...
    اشتد به ظلام حالك..لم يعد يعرف النور طريقا اليه...
    دموع الفت طريقها على الخد ..ترفض رحيلها عنه...
    الفها بدوره واعتادها..رغم التهابها و احتراقها...
    لكن انهمارها يخفف وطاة الم..الم يلقي بثقله على صدري...
    لا اجد سبيلا لصرفه عني..غير تنهيدة طويلةتكاد تكون بلا نهايه..
    نهاية ضائعة..مفقودة وسط افكار متلاطمة..
    كامواج بحر شديد الهيجان..اختلطت بصوتها صرخات...
    صرخات مختنقة تطلب نجدة لهذه الحياة...
    حياة باتت جاثمة على شفير الزوال..
    مجرد طيف يتلاشى حتى يختفي في صمت..
    صمت قاتل..و سكوت طالما اتعبني و اثقل بجموده كاهلي..
    قلب اضناه الانتظار..يعيش على امل..
    امل في نهايه..قريبة كانت ام بعيده..لابد من وجودها
    لابد من نهايه...


    About Me

    صورتي
    صار لى شى 100 سنه عم الف عناوين مش معروفه لمين ووديلهون اخبار بكره لابد السما لتشتيلى عالباب شمسيات واحباب بياخدونى بشى نهار واللى تزكر كل الناس بالاخر زكرنى

    Followers