عارف
برغم خوفى واشتياقى
بدور عليك
بدور عليك فى كل فرحة أفرحها وأنت مش معايا
بدور عليك فى كل دمعة تنزل وانت مش جانبى
كل مرة أقول حاجى وحأقول
صبرت كتير
ولكنى بأرجع وأقول لسة ماأنش الاوان
عارف
أنا صوتى مش منحاش
أنا صوتى جوة الضلوع محبوس
خايف يصرخ ويبوح
نفس أقولها وأعيشها وأرسمها
بس أنت كمان تقولها عايشينى فيها ولو مرة
عارف
لسة فجرى مهزوم
وقلبى زى ما أنت بتقول مقسوم
خايف يقرب ويهديك حنان
وخايف يبعد ويموت جوايا من غيرك الامان
زمنى مش زمن الرفض ولكنه برضة لسة ما أنش الاوان
ويمكن ميكونش فيه أوان
أنا موجى مش عالى ولا مراكبك ممكن تتوه فيا
أنا بنت أقل من عادية
أنا نخلة انت بايدك زرعتها طرح بلحى والريح بتمرجحه
بيناديك تعالى خد منى حباب النينى بس أوعى تروح منى وتضيعه
عارف
أنا مجرد طفلة تايهة ومنسية
متسنية الى يعدينا ويخد بأيدايا
يمسك كفى ويحضن بالوناتى
ويخطفلى نجمة من السما مضوية
انا زيك عصفورة شريدة عشى هو خطواتك وحنان عينيك
عارف
لو كنت أقدر أقول
كنت مش بس قلت لا ده أنا كنت حكيت
وكمان على الربابة غنيت
أنا لا عمرى رفضت
ولا على بعدك قدرت
انا ألف مرة بحبك وحبيت
بس أنت لا عمرك قلت ولا حتى انت على بابى خبطت

====
:) وعجبى - مش قلت لك لازم نفكر نعمل كتاب :)

مهو الحب ده مش عارفينلو شكل ولا لون ولا عارفين نعمل معاه ايه بنحبو وبنهرب منه ملهوش حل نهائي ابدا


تقبل مرورى على سطور كلماتك المبدعه

ما هذا الاحساس الرائع؟
بديعة وجميلة

يااااااااه
اخيرا المدونه دي فتحت

انا قولت زمان انك بجد مبدع
ومش لاقيه حاجه تاني
والله الحب ده حاجه جميله
بس قطيعه تقطعه حتت حتت
الحب شر لابد منه
تحياتي
دمت مبدعا

حلوه وايد

وتمس شغاف القلب

اتابع مدونتك منذ فتره كبيره
وانا اعرفك وانت لا تعرفنى
ارجع بالزمن 10 سنوات
انت حقا شخصيه جميله يا محمود
وتملك احساسا صادقا ومشاعر راقيه نبيله
تذكرنى بكل ما هو جميل
وكنت اتساءل هل انت فى كتاباتك تعبر عن حاله تعيشها ام هو مجرد احساس تعبر عنه فى وسط احاسيسك الجميله
اسجل احترامى لرقى كلماتك واحساسك

>>>>>>>>>>>>>>>>>>>>> m.m

محمد مدونتك عجبتني دي اول مره ازورك وانشاء الله مش هتكون الاخيرة المهم
"عارفه" عجبتني والصورة كمان عجبتنى
كل التوفيق
سيد سعد

احساسها جميل قوى

تحياتى

اجمل و اصدق الاحاسيس ..اتمنى غيابك مايطولش اكتر من كده

كلما بقرا القصيده دي بتديني احساس حلو جدا عشان كده عمري ما مليت منها..وكلما مره بقراها بحس انها اول مره.خليتني اتعلق بيها..تماما زي قصايدك التانيين يا اجمل دكتور
احنا محتاجين لابداعك الي مش بيسيب غير كل اثر جميل في قلب الي بيقراه..فياريت التوقف ده مايطولش
تحياتي